Azken hausnarketa eta ebaluazioa

Hezitzeko hezitzen (Autoebaluazioa)

Esan behar dut, hasieratik ikasgai honen existentzia harritu ninduela eta irrikitan nengoen edukiak zeintzuk izango diren jakiteko. Ikasgai honi esker, konturatu egin nahiz teknologia berriak gero eta eskuhartze handiagoa dutela gure eguneroko bizitzan eta nire etorkizunerako lanbidea irakaslea izango dela jakinda, garrantzitsua ikusten dut IKT-ak eta hauen erabilera ezagutzea gero umeei ere ezagutza hauek transmititu ahal izateko.

Ez zait ikasgai zaila iruditu, gaur egungo gazteok IKT-ak txikitatik erabiltzen hasi ginelako eta egunero erabiltzen ditugulako. Gainera, ni pertsonalki, hauek erabiltzea gustoko dut.

Informazio kantitate handia denbora gutxitan izateko aukera ematen gaituzte, baina, IKT-en erabilera egokia ere, irakatsi behar genukeen elementua da. Hauen erabileraren ikaskuntzaren parte ere delako; informazio guztia fidagarria ez dela jakitea, informazioa filtratzen ikastea, informazio guztia ondo ez dagoela, identitate digitala nola kudeatzen jakitea...

“Irakaskuntza gurpilak” (Ebaluazioa)

“Irakaskuntza gurpilak” aurkezpenei dagokienez, esan behar dut gai batzuk beste batzuk baino interesgarriagoak izan direla eta talde batzuen aurkezpenak ez dutela gaiarekiko arreta piztea lagundu.

Talde askok, IKT-ak haien erosotasunerako erabili dituzte. Izan ere, IKT-ak aurkezpenak erraztearen ideia ondo iruditzen zait baina ez zait egokia iruditzen aurkezpen bat egiterako orduan, bideo bat soilik jartzea, ezer azaldu barik, nire ustez, bideoa aurkezpenaren osagarria izan behar delako.

Egia da, ikasle askok ardura edo interés falta erakutsi dutela ikasgai honen aurrean. Hala eta guztiz ere, ni beti puntuala izan naiz eta klase guztietara joan naiz, arlo guztiak garrantzitsuak direla uste dudalako (nahiz eta eduki batzuk gehiago edo gutxiago gustatu).

BESTE TALDEKIDEEN KOEBALUAKETA

Beste taldekideek orokorrean ondo lan egin dutela uste dut, baina egia da, batzuen aurkezpena ez dela originala izan (irakasleari emandako txostenean agertzen dira beste taldekideei jarriko niekeen notak).

Dokumentatzaileei dagokienez, esan dezaket haien lana oso baliagarria izan dela klasean landutako gai guztiak osatzeko. Gainera, egin duten lana interesgarria iruditzen zait eta haien sites-ak ikusita, gogoz lan egin dutela, modu argi eta antolatuan eta puntu guztiak kontuan hartu dituztela ikusten da.

NIRE TALDEKIDEEN KOEBALUAKETA

Talde guztietan bezala, beti dago norbait lan gutxi egiten duena edo zuzenean, lanik egin ez duena. Beraz, nire taldeko koebaluaketa egiteko, nik sortutako taula bat osatzea komenigarria ikusi dut, bakoitzak egindako lanaren arabera jarriko niokeen nota adieraziz.

*0tik (txarrena) 10era (bikainena)

Bideojokoak hezkuntzan

Ikas-irakasterako orduan, umeen motibazio falta dagoela badakigu, baina zergatik ez ditugu motibatzen zaizkien gauzak erabiltzen curriculumeko edukiak irakasteko? IKT-ak aukera paregabea eskaintzen dizkigute umeen arreta deitzeko eta erraztasunez irakatsi nahi duguna haiek ikasteko. Interneten edozein ikasgairentzako jokuak aurki ditzakegu, hona hemen eduki batzuk lantzeko ikasgelan erabiliko nituzkeen jokuak eta joku bakoitza zelan erabiliko nuke klaseak ematerako orduan:

Bakoitzaren izenaren gainean klikatuz gero, jokuaren webgunera bideratzen zaitu.

GAIA, IZENA eta AZALPENA

Euskadi eta bere administrazioak "112 zenbakiaren jokua"

• Nori zuzendua: 3. Ziklorako
• Azalpena: Balore hezkuntzan jarriko nuke. Aldez aurretik administrazio publikoei buruzazalpen bat emango nieke eta guztion artean jokua osatuko genuke, galdera bakoitza komentatzen. Amaitzeko, bestelako egoeretan zer egin beharko zen komentatuko genuke.

Historia-  "Egyptian tomb adventure"

• Nori zuzendua: 2. Ziklorako
• Azalpena: Ordenagailu gelara joan eta binaka, Egiptoko zibilizazioa ikasiko zuten. Jokua ingelesez dago, beraz, ingeleseko irakaslearekin joan ahal dira eta historiarekin batera, hizkuntza ikasiko dute.

Kalkuloa-  "Zatikien jolasa"

• Nori zuzendua:3. Ziklorako
• Azalpena: Teoria saio batzuk eman eta gero, zatikiei buruzko ezagutzak finkatzeko erabiliko nuke. Nagusiak direnez, "eskola 2.0" programak ahalbidetzen dituen ordenagailuak hartuko dituzte eta gelan bertan, binaka edo hirunaka jarriko dira jarduera hauek burutzeko.

Logika- "Logika jolasak"

• Nori zuzendua:1. Ziklorako
• Azalpena: Txikiekin matematika segidak lantzeko oso joku entretenigarria da. 

Sektoreak- "Sektoreak lotu"

• Nori zuzendua:2. Ziklorako
• Azalpena: Gizarte Zientzia ikasgaian sektoreak lantzeko oso aproposa da. Klasean liburuko irakurketa egin eta gero, ea zer ulertu duten ikusteko, jokuari ekingo diote.

Zeri diogu beldurra?

• Eskatzen didatena zer den ez jakiteari beldurra
• Estrategia egokiak ez izateari beldurra
• Egoera ez kontrolatzea
• Ekasteko modu berri honetan gai ez izateari beldurra
• Zerbait berria izateagatik denbora gehiago behar dudala pentsatu
• Zalantzak
• ...

9. Saioa: 2014/12/11

Gaurko saio teorikoan, dokumentatzaileek, lauhilabetean zehar egin duten lana aurkeztu dute. Haien site-ak lehen aldiz ikusi ditugu eta behaketak, hausnarketak, aztertu dituzten gaiak, ateratako ondorioak... site-aren barruan nola antolatzen diren azaldu digute.

Gure taldearen jarraipena behatzeko ardura zuten behatzaileak lan ikaragarria egin dutela uste dut haien sites-a osatzeko. Hala ere, faltan bota dut, aurkezpenean behatutako talde bakoitzaren hausnarketa txiki bat egitea, hau eginez, guztiok jakingo genuke hobetu beharko genukeena eta bai gure akatsetatik, bai besteen akatsetatik ikasteko aukera gehiago izango genuke.

Site-aren egiturari dagokionez, informazioa erraz aurkitzen da, oso txukun eta argi baitago. Gainera, badaude beste elementu batzuk irakurketa laguntzen dutenak, hala nola: erabili dituzten koloreak, irudiak, bideoak, letra tamaina eta estiloa...

Gure dokumentatzaileek "DokuGunea" Sites-a ikusteko hemen klikatu 

Beste dokumentatzaileen Sites-ak hurrengoak dira:

Dokumentatzaileak

Dokumentatzaile3

8. Saioa: 2014/12/04

Aste hau, bigarren modulu astea izan da eta lan handia egin dugu moduloa amaitzeko. Azken ukituak eman dizkiogu bideoa eta txostenari dena defentsarako prest egoteko. Orokorrean lan izugarria egin dugula uste dut hala ere,  ez nago oso pozik emaitzarekin, badakidalako hobeto egin ahal genukeela taldearen jarrera ezberdina izango bazen.

Sare sozialak ikastetxean

Badaude sare sozial batzuk ikasle-irakasleen arteko harremana laguntzen dutenak. Izan ere, internetetik asko bilatu eta gero, EDMODO sare soziala aztertzea interesgarria iruditu zait.

Sare sozial honen helburua ikasle eta irakasleen arteko komunikazioa erraztea da. Hala ere, bere gauza onak eta txarrak ditu:

Hau jakinda, sare sozial bertikala dela esango nuke, hezkuntza aireberritzeko eta ikaste-irakaste prozesua errazten laguntzeko zuzendutako sarea baita.

7. Saioa: 2014/11/27

Gaur, Tic tac practika onak gaia landu duten taldeok aurkezpena egin dugu.

Askotariko euskarri digitalak erabili dituzte aurkezpenak egiteko. Gehienek Powtoon erabili dute, baina Movie Maker eta Emaze ere egin dituzte.

Gure kasuan adibidez, Emaze erabili dugu eta aurkezpena amaitzerakoan eztabaida edo talde hausnarketa egin dugu, hartzaileak barnean sartzeko. Aurkezpena ahoz egiteak, entzuleen arreta piztea eragin duela uste dut eta aurkezpenaren hasieran egindako lanaren azalpen orokorra baita azkenean egin ditugun galderak, klasekideei gure gaian kokatzen eta ondorioak ateratzen lagundu die.

Nire ustez, interesgarriena zulo digitala ekiditeko eman dituzten proposamenak eta IKT-ak talde lanean aritzeko eman dituzten proposamenak izan dira, irakasleak izango garenean, gai baliagarrienak izango direlako.